【專家分析】阿里彈極有限?
【Now財經台】業績後股價持續受壓嘅阿里巴巴(09988),今日再創歷史新低,低見130.7元,但下晝一度跟隨大市向上。其實喺7至8月平台經濟監管風暴升溫,阿里股價似陷入「無底之境」,短線係咪已經無險可守?參考返美股ADS,阿里主要支持位喺129.77美元,即相當於126港元水平,如果保守啲,係咪落到126元水位先值博?
英皇證券研究部總監陳錦興指,阿里現價已經有一定值博率,今日睇到喺低位開始有資金吸納,有沽空盤喺現水平需要補倉,Stanley認為有機會出現技術性反彈,但未必彈得太高。
Stanley又話,要留意阿里出現反彈,可唔可以企穩140元水平,如果有新利好消息,或監管風聲冇咁緊,整體科技股走勢向好,阿里有機會挑戰更高水平。