【專家分析】阿里系、京東系繼續追落後
【Now財經台】今日多隻港股重上50天線,其中多隻藍籌科技股如阿里巴巴(09988)、阿里健康(00241)、京東物流(02618)、京東健康(06618)都升得靚。阿里系、京東系係咪可以再吸引返資金及確認轉勢?
英皇證券研究部總監陳錦興指,阿里系近期消息面唔錯,「股神」巴菲特嘅拍檔芒格(Charlie Thomas Munger)大幅增持阿里美股,加上集團推出自家晶片,創辦人馬雲又現身海外,加埋嚟緊嘅「雙十一」效應,會令市場有一定憧憬,而阿里股價之前跌咗唔少,估值已變得吸引,都可以推升阿里系股價。
Stanley又指,京東系走勢更強,基本面亦相對穩定,更重要係所受嘅監管衝擊較小,佢估計,阿里系、京東系可以喺低彈返高,喺資金大舉流入下,可望繼續追落後。