【專家分析】領展買啱本地靚貨?
【Now財經台】領展房產基金(00823)繼之前收購澳洲悉尼地標零售物業後,今日中午出業績時,再宣布斥資約58億元,收購分別位於柴灣及紅磡嘅4S汽車服務大樓,作價略低過估值,個Yield比買樓收租多啲。
英皇證券研究部總監陳錦興指,呢單交易係可行嘅,首先係個Yield有3厘,高過領展嘅平均息率,其次係將物業租返畀賣家,可以即時提供穩定現金流,而租金未來亦有上升空間,佢認為,呢單交易帶嚟穩定現金流,同埋合理回報,符合領展一貫嘅收購策略。陳錦興又話,喺香港停車場物業比較獨特,領展今次一口氣買到港島、九龍市區嘅停車場物業,係一個唔錯嘅收購。