【專家分析】Yen見147日央行有機出手?
【Now財經台】美國聯儲局大手加息預期升溫,美元獨強,美國10年期債息曾升至4厘水平,油價及金價回落,英鎊亦繼續跌,而日圓今朝一度見146水平,跌至24年低位,但大家都樂見日圓跌,因為日本開放自由行,好多人湧去玩,但係咪都要小心日本央行隨市入市干預?
艾德金融期貨部主管文錦輝指,市場似乎等緊日央行出手干預,當市場一窩蜂買日圓等干預,肯定會殺多一浸,可能今次干預唔會喺上次嘅水平,即145左右,可能係接近147,一旦跌穿埋就會向150進發,就要睇日央行係咪繼續畀日圓貶值,呢個必須留意,但日央行噚日再重申貨幣政策會繼續超寬鬆,所以日圓繼續跌係正常。