【息賺】買日本REIT奧運後要換馬
【Now財經台】東京奧運下星期五開幕,日本房託今年跑贏日經指數,到底兩者有冇關聯?東京奧運下月初閉幕後,日本房託嘅吸引力會唔會隨即大減?
香港大學房地產及建設系客席副教授楊書健指,日本REIT唔使交入息稅,令資金成本低咗,加上容易買,所以佔地產股差唔多一半市值,好過香港好多。佢又話,今年有得升嘅日本房託都係炒「奧運復甦」,其中升得最靚係專做酒店嘅Japan Hotel REIT,其次係零售。
楊書健又話,日本REIT市場較多元化,建議奧運完咗之後,可以換馬去物流、住宅,股息回報平均3厘,最高5厘,佢又提醒,日本係好多收購合併,投資者都要睇住。