【息賺】領展加注澳洲一舉兩得
【Now財經台】理論上房託表現同一個地方嘅當經濟息息相關,香港房託上個月表現跑贏全球,不過,喺第五波疫情惡化下,呢個勢頭可唔可以持續,仍然要觀察。不過,本地龍頭房託領展房產基金(00823)仍繼續買嘢,集團相隔半年再加碼投資澳洲,仲首次喺墨爾本插旗,係咪可以減降本港經濟放緩對公司業務嘅影響?
安泓投資總監兼香港大學房地產及建設系客席副教授楊書健指,香港不論住宅還是商業嘅Cap Rate都唔夠3厘,反觀澳洲最好可以去到4.25至4.75厘,加上近期有唔少亞洲投資者進軍澳洲房地產市場,因此,依家投資當地物業有望持續升值,亦可以減低香港經濟對集團業務帶來嘅波動。