烏克蘭全境遭俄羅斯導彈轟炸 疑報復克里米亞大橋被炸
連接克里米亞及俄羅斯嘅大橋日前遭自殺式炸彈襲擊,橋嘅其中一段受損斷開,俄羅斯總統普京直指係烏克蘭嘅恐怖襲擊,今日烏克蘭全境多個城市受到導彈襲擊,相信係俄羅斯為報復大橋被炸嘅手段。 包括基輔、扎羅波熱等大城市遭導彈襲擊,咁亦係基輔數月黎首次被襲,烏克蘭總統澤連斯基辦公室附近都被擊中,烏國目前全國警報,要求居民入避難處。 普京批評,烏克蘭襲擊克里米亞大橋係恐怖主義行為,旨在摧毀俄羅斯民用基建,烏克蘭方面無直接承認責任,但有傳媒報導,襲擊係由烏克蘭情報部門主導。