【股市脈搏】平醫IPO價危危乎?
【Now財經台】內地官媒《人民日報》「放風」,話要加快完善互聯網診療辦法,線上醫療股今朝成板跌晒落嚟,其中平安好醫生(01833)最傷,一度重挫逾12%,低見60元。
年初唔少資金跟科技股「女股神」Catherine Wood買平醫,股價一度掃上148.5元,但之後隨著科技股「失勢」,平醫股價亦喺高位碌返落嚟,至今累跌近60%。睇技術走勢,平醫都出現咗利淡訊號,14天相對強弱指數(RSI)亦落到超賣水平。
平醫上市以嚟愈蝕愈甘,舊年虧損擴大至逾9億人仔,後市要留意下星期二出嘅業績,如果虧損再擴大,睇下係咪會進一步下試上市價54.8元。