【股市脈搏】龍湖受惠 股價急彈
【Now財經台】龍湖集團(00960)早段係藍籌股入面表現最好。
星期二中國銀行間市場交易商協會話,會將民企債券融資支持工具擴容,額度加至2500億人民幣,上日即有第1單相關發債項目,受理龍湖集團申請並批出共200億元人民幣儲架式註冊發行。雖然200億對龍湖集團債務總額幫助有限,截至6月底集團現金869億元,但債務有2123億,但始終係好消息,再挾大市氣氛,股價能急彈。
但與以往好消息傳出後的反應差唔多,在高位沽壓顯著,暫時亦見好長的上映線,反映資金傾向高位沽貨離場。龍湖由上月低位7.26元反彈,至今已升逾1倍,初步就要睇18元阻力大唔大。