【胡．說樓市】睇樓「黃金十分鐘」注意！教你拆穿化妝樓三式！

上集睇完John嘅個案，其實喺睇樓「黃金十分鐘」內，準買家有咩要注意，以防買入化妝樓呢？今次我哋就請埋專家教你「拆穿化妝樓三式」！

「重點一： 如何檢查漏水?」

漏水，往往最難根治，業主John初次睇樓時，已察覺大門牆角有黑色污漬，只是沒有想到揭開洗手間假天花查看才展露問題。實情如果上手業主同意下，準買家睇樓時值得打開假天花檢查。

專家建議，睇樓時可帶備電筒，方便照出假天花內的情況。要留意有否漏水，也值得望望周遭環境有沒有改動間隔，以及外牆有沒有龜裂。

「重點二：打開廚櫃檢查?」

單位實用282呎，入屋右邊屬梗廚，曲尺型廚櫃貼牆放，卻成遮醜最佳方法。廚櫃內藏全屋單位電箱，一條膠喉由室外駁到室內，但實情這種做法不合規。

專家指，接駁電箱的電線應用固定外殼保護，最主要粗度是25mm可以過得到，要足夠機房可以穿入來這條線就可以，以及要固定它。

揭開煮食爐下方的櫃門，洗衣機去水喉零零舍舍置中，影響了儲物空間外；在洗手盆底部，去水喉也跟煤氣爐總掣安裝得太貼，顯然上手業主為單位翻新時，只考慮外觀而忽略了實際使用。

「重點三：電線安裝是否妥當?」

有些問題，睇樓時可以用肉眼望得到，部份問題卻避無可避，包括一個單位的電掣安裝，但這往往是化妝樓常見問題。

這個單位為例，本身就沒有用黃綠線的，一般來說13A插口，均會有水線。若沒有水線便會容易觸電，電線的粗度也有規定，例如一個13A插口的電掣，電線粗度需要有2.5mm線才可以。如果是熱水爐電掣需達4mm、電燈電掣就至少1.5mm。