【財經TOP SEARCH】融創彈唔起?
【Now財經台】截至早上11時,1小時内《彭博》用戶關注度上升最多的港股依次為融創中國(01918)、龍湖集團(00960)、東方航空(00670)、中國海外(00688)及華潤置地(01109)。
評機構惠譽噚日再降融創評級,又話公司在岸及離岸市場嘅再融資不確定性增加,拖累融創多隻境內債價急挫,集團中期負債比率約46%,内房今年銷售麻麻,加上疫情擴散,融創係咪行緊中國恒大(03333)條舊路?
耀才證券研究部經理譚智樂指,恒大規模比融創大好多,但冇內房係大到不能倒,就算有中央扶持,入市都冇著數,所以市場唔再盲炒内房,佢又話,內房今年首兩月嘅銷售疲弱,加上貨幣政策「鬆手」,同埋市場睇淡LDR,因此,冇買盤支持,佢估計,融創未必彈得起,收復失地絕對唔容易。Arnold估計,資金短期内會湧向較強勢,跌得無咁急嘅內房股。