【公司專訪】譚仔呢辮業務「焫」著業績?
【Now財經台】據譚仔國際(02217)嘅招股文件顯示,除咗提及出年純利將會大跌,整體每個座位日均碗數亦由2019年3月底止年度嘅7碗,跌到今年3月嘅6碗。截至今年3月底止,譚仔年度溢利2.8億元,但扣除政府補貼、租金寬減後,譚仔全年盈利按年係倒退緊,集團有咩策略刺激業績?
譚仔國際主席兼行政總裁劉達民指,近3年業務都畀防疫措施、社運拖累,但外賣業務佔比由疫情前20%,升到疫情後50%。佢又相信,隨著放寬防疫措施,加上外賣業務持續向上,有機會提升利潤。
Daren又指,疫情期間公司除咗要顧業績,又要兼顧店舖衛生、轉型外賣,能錄得利潤已跑贏同業。佢續稱,由於集團食材多樣化,有效平衡食材供應不穩嘅問題,令業績表現穩健。