【名家給力場】恒指見咗今年低位?
【Now財經台】經歷咗恒大(03333)債務危機、內地「限電限產」呢啲大事件後,恒指喺24000點樓下慢慢彈返上嚟,過去呢幾個交易日都企喺25000點水平,今日下晝愈升愈有,升300幾點,大市似乎打咗個小雙底,今年低位係咪已經見咗?
冠域商業及經濟研究中心主任關焯照指,恒指好大機會見咗今年低位,因為睇到啲舊經濟股、傳統股,尤其消費、金融股呢啲受惠於經濟復甦嘅股份都「郁」,市場依家似乎都唔係太驚通脹,主要係相關數據唔係惡化得好犀利,係有利股市再推上去,加上美國疫情受控,加上歐洲除英國外,其他工業國都造好,關博士估計,第4季係炒復甦及疫情退卻。