【名家給力場】美股後市chok住升?
【Now財經台】摩根大通CEO戴蒙早前向股東發信,話美國消費儲蓄強勁、疫苗接種逐漸普及,加上美國總統拜登推出2.3萬億美元基建計劃,相信美國經濟將進入高速增長期,更預期經濟會持續反彈,直至2023年,美國經濟前景真係咁樂觀?投資者需唔需要加快投資美股?
資深銀行家劉卓衡指,疫情令美國人減少消費,加上政府派錢,相信美國消費儲蓄會持續强勁,疫苗接種速度快亦有利經濟復甦,但拜登嘅基建計劃過唔過到國會呢關,係咪可以如期推行都有變數,所以美國經濟前景持觀望態度。
劉卓衡估計,美國未來1年都冇加息迹象,雖然預期美股會較chok,但仍有上升空間,不過要分散投資組合。