【名家給力場】美股攻略!莫家強教你點「處置」橫行股
【Now財經台】美股踏入4月指數就等破頂,但中線市寬仍然跌穿50%,唔少經濟復甦股、銀行股都只係橫行,冇力再破位,反而重磅科技股如FAANG,唔係創新高就係破位,似乎輪動嘅情況又再出現。
資深投資者莫家強指,呢個輪動情況反映市場資金唔係太充裕,升完一個板塊再輪到第二個,如果睇返FAANG股價,過去半年幾乎冇升過,但最近1個月Google、Microsoft、Apple都升得好靚,如果近期要買貨,買呢類股會穩陣啲。
Alex又話,如果手上持有嘅股票拾級而上,即使下跌,但如果冇跌穿1個月低位,就可以繼續持有。至於揸住一啲橫行股,佢建議分段減持,可以每星期檢視一次,減持25%後,如果仍然冇力升,就再減持25%。