【名家給力場】變種病毒蔓延對航運股有咩影響?
【Now財經台】新冠變種病毒疫情對唔同行業產生影響,繼早排影響到紡織業,最新更蔓延至航運業。近日,國際有幾個大港口宣布封港措施,包括越南及貨櫃全球第三大吞吐量嘅寧波。雖然運價日前破頂,但一眾航運股嘅股價尚未返到之前啲高位,航運股應該要點部署?
冠域商業及經濟研究中心主任關焯照指,出口、資源、航運、工業四大板塊喺預期復甦中跑先,但復甦過程中,反而最初受惠板塊會短期見頂。由於Delta變種病毒疫情蔓延,部分主要港口停運,令航運費用急劇增加,尤其影響喺越南及內地嘅生產基地。
關焯照又指,波羅的海乾散貨指數創近期新高,相信仍有空間升破4000點,預料航運股將會因此受惠,例如中遠海控(01919)唔排除會升上17元樓上。