土耳其大地震1.5萬人死 被批救災不力土政府封Twitter
土耳其南部發生黎克特制7.8級大地震,連同敘利亞北部,目前已經超過1萬5千人死亡,近6萬人受傷,係近年最嚴重嘅地震。雖然全球70幾個國家及地區派出搜救隊支援,但救人嘅黃金時間已過,土耳其民眾亦失去耐性,不斷喺網上批評政府救災不力,土耳其政府面對抨擊,唔單止封鎖社交平台Twitter,更拘捕近20人。 土耳其總統埃爾多安視察災區,佢承認政府救災工作有缺陷,但認為唔可能隨時為依種災難做好準備,但強調唔會放棄任何一個公民。 至於Twitter被封鎖,推特行政總裁馬斯克就話,土耳其政府通知佢哋,好快會恢復連線。