【專家分析】低PE科技股啱長坐
【Now財經台】唔少科技股同雲業務相關股,已持續尋底一段時間,不過,科技股始終屬於增長型股份,值唔值得做長線部署?
耀才證券研究部經理譚智樂指,呢類股份值得睇好,增長價值一定有,因反壟斷因素已逐漸淡化,大型科網股近期股價有起色,但大部分雲業務相關股仍畀「殺估值」困擾,理論上仲有下調空間,但同基本因素冇關。
Arnold又話,如果想博科技股,最好揀阿里巴巴(09988)、百度(09888)呢類,市盈率(PE)比較低嘅股份,因長線投資價值較高。如果想吼之前熱炒嘅雲業務股,佢建議等成個科技板塊明顯轉勢先再考慮。