【專家分析】內地爛尾樓風暴升級變金融危機?
【Now財經台】上周內地爛尾樓斷供潮殺市場一個措手不及,雖然網傳涉事樓盤已增至近300個,但官媒話多個涉及停工風險嘅樓盤,部分已正常施工,或迎來復工消息。銀保監會要求銀行千方百計「保交樓」,連人民銀行前行長戴相龍都出嚟派定心丸,話唔擔心中國會出現類似美國嘅次按危機,呢場風暴真係可以避免再升級?
星展銀行(香港)豐盛私人客戶執行董事鄧威信指,睇返過往內地部門處理可能爆發系統性金融問題嘅「往績」,例如之前嘅大型房企違約事件,都能夠協調好各部門去協助相關企業,有效地減低風險。
Wilson相信,近期爆發嘅爛尾樓風暴,憑內地政府過去嘅經驗,相信能有效控制事件,爆發金融危機嘅機會好微。