【專家分析】加息難刺激金融股大升?
【Now財經台】聯儲局主席鮑威爾噚晚喺國會聽證會上指,傾向支持3月加息0.25厘,不過,佢又話,如果美國通脹過熱,仍有可能大幅加息。美國10年期債息一度升至1.87厘樓上,美匯指數亦升到97.8以上,上試逾年半高位,聯儲局今年仲有6次議息會議,金融股嚟緊會點走?
鴻鵠資產管理行政總裁兼首席投資總監陸庭龍指,聯儲局最新評估係,通脹持續及不斷創新高,推高長期利率,拉闊金融股息差,會增加金融股嘅淨利潤收入。佢又指,自2021年下半年起,大型銀行股股價已經升咗上去,所以今次加息只會為金融股帶嚟短暫刺激作用,一旦俄烏戰事反覆,市場情緒再度搖擺,到時資金就會湧向極度保守嘅債券、資源股,甚至黃金。