【專家分析】友邦下半年有機跑嬴恒指
【Now財經台】友邦保險(01299)股價近期一直喺92元至104元呢個區間上落,市場認為,友邦唔可以向上突破,主要係中港仍未通關,但友邦嘅內地嘅發展係向好,繼喺湖北開分公司後,更大膽入股中郵保險,後市有冇機會向上突破?
紅蟻資本投資經理李澤銘 認為,友邦逐步將營運重心移向內地,就算中港唔通關,都可以喺內地買到友邦嘅保險,所以通關因素對友邦嘅影響愈嚟愈輕微。
Alan又話,友邦短期仍受制於一個因素,由於公司投資回報同美國長短債息差相關度比較高,喺息差收窄下,友邦嘅預期回報係跌緊,不過,喺一個咁大利淡因素下,股價仍然可以企喺90元樓上,因此,友邦個別走勢有機會獨立於恒指,估計下半年會明顯跑嬴恒指。