【專家分析】呢個位買潤燃有得諗
【Now財經台】燃氣股板塊今日血流城河,藍籌新奧能源(02688)挫逾10%,想cap水嘅天倫燃氣(01600)跌得更甘。其實呢幾日先後有瑞銀、摩根士丹利等大行唱淡燃氣股,主要係睇淡行業上半年銷售持續疲弱,原因不外乎係受疫情影響、房地產市道疲弱等,其實呢啲情況市場都一早預計到,今日成板冧晒落去,係咪反應過度?
新城晉峰金融集團分析員莫灝楠指,市場未必係反應過度,燃氣股已經積弱一段時間,睇返內房1月嘅銷售數據的確係幾差,房地產係會影響燃氣股收入。此外,接駁收入減少意味往後嘅服務需求亦會減少,行業增長放慢已成定局,但相信燃氣股跌到現水平開始有防守力。Casper建議,投資者可留意華潤燃氣(01193),可以喺32元至33元水平買入會比較穩陣。