【專家分析】呢類股最唔想疫情完
【Now財經台】海豐國際(01308)中午出咗業績,半年多賺3倍,中期息大增,而表現最突出係毛利率,升至41.8%嘅歷史新高。海豐股價午後一度抽高逾2.3%,高見30.55元,但之後倒跌。
uSmart盈立證券研究部總監陳偉聰認為,海豐業績唔錯,市場預期海豐全年賺8億元,如果下半年運費持續高企,應該可以超標,大行亦會上調今年盈利預測。
Jason話,要推高航運股股價,一定要靠運費,但近期運費不斷創新高,但航運股都推唔郁,可能係市場擔心運費去到第3季尾、第4季頭會見頂,如果到聖誕疫情仲未消退,憧憬高增長會由今年延續至明年,航運股仍有力爆上。