【專家分析】央媽遏人仔中港股市照升?
【Now財經台】相隔14年,人行噚日喺港股收市後宣布,調高外匯存款準備金率,消息一出,離岸人仔應聲急挫,5月埋單計,美元兌人民幣轉弱超過1.5%,幅度係近半年以來最大。
潤淼資產管理董事盧志威指,受惠於内地經濟復甦、疫情受控,以及預期長期低息,都可以吸引資金流入,而人仔亦趁美元弱勢突圍。
William又指,人行今次調高外匯存款準備金率,反映中央想遏人仔升勢,佢估計,人仔會步入高平台穩定期,並橫行一段時間。至於對中港股市有咩影響,William就話,由於外匯唔流通,資金主要集中喺股市,加上近期冇利淡消息,估計市況會維持高位偏強格局。