【專家分析】平保踩中「地雷」?
【Now財經台】内地監管風暴愈演愈烈,今次就燒到中國平安(02318)。
據《路透》引述消息指,銀保監依家查緊平保嘅房地產投資,不過,有券商話,其實平保嘅房地產相關投資只係佔整體投資組合5%,但集團去年底嘅債權型資產比例,就高過其他内險股。
潤淼資產管理董事盧志威估計,平保畀銀保監調查,可能同華夏幸福嘅投資有關,市場本身已經唔睇好内房,但平保嘅房地產投資,除涉及債務違約嘅華夏幸福,仲有碧桂園(02007)、中國金茂(00817)、旭輝控股(00884),一定不利平保,加上公司債券型資產比例較高,股價畀人沽落去係預咗,短期應該避開内險板塊。