【專家分析】手機設備股衰完?
【Now財經台】瑞聲科技(02018)及舜宇光學(02382)都出咗季度數據,舜宇出貨量不似預期,瑞聲季績亦麻麻,但股價跌完一浸後,最近兩隻都升返,係咪代表最壞時間已經過去?
uSmart盈立證券研究部總監陳偉聰指,出貨量數據、業績係反映今年幾個季度嘅表現,業績曳或出貨量唔達標都係源於晶片短缺問題,令iPhone或內地其他手機品牌喺過去幾個季度增長慢咗好多,不過,隨著晶片供應逐步恢復,手機出貨量可重拾升勢,更有升級空間,係其中一個令投資者認為,手機設備股或整個行業最壞時間已過嘅因素,繼而睇好前景。