【專家分析】放寬內房「三條紅線」雙贏?
【Now財經台】港股今日顯著造好,恒指重上20天線,午後升幅擴大至逾400點,除咗ATM自低位反彈,傳統藍籌股都做得唔錯,今日大市走強係咪同內地放寬內房「三條紅線」有關?
紅蟻資本投資經理李澤銘指,明顯嘅利好消息其實都只得放寬內房「三條紅線」,近期困擾港股都係內地消息及政策,依家有機會放寬「三條紅線」,併購融資唔計算在內,對於債務負擔唔係咁重嘅內房嚟講,尤其有國企背景嘅內房,或者資金實力比較雄厚嘅民企,未來可能會趁機執一啲出問題嘅內房資產平貨,因為對佢哋未來發展會有明顯幫助,而出問題嘅內房亦較易得到資金周轉。