【專家分析】敏華轉攻出口「救價」
【Now財經台】家具股敏華控股(01999)今日跑贏大市,一度升近6%,高見13.28元。
近排動作多多嘅敏華今日出通告,話喺墨西哥買地起廠,擴大北美市場版圖,上星期又話會喺武漢投資華中製造基地,主要用嚟研發、製造及銷售智能梳化。敏華內地收入佔比由2019年唔夠50%,升至舊年中期嘅逾60%,但依家內地經濟放緩,加上內房危機間接影響置業需求,敏華股價短期係咪好難突圍?
英皇證券研究部總監陳錦興認為,敏華未來會傾向擴大出口市場分額,而敏華股價今年會開始有運行。Stanley又話,唔太擔心新設廠房會拖低毛利率,相信去年下半年可以維持喺34%水平。不過,由於舊年上半年新開門店及宣傳成本較高,令收入增長高於純利增長,投資者可留意下半年數據係咪出現呢個趨勢。