【專家分析】東風新能源車 基本面鬥唔過對手
【Now財經台】東風集團(00489)盈喜,股價一度升逾10%。除咗盈喜,其實東風本身都有唔少利好消息,集團旗下自主掌控嘅智新半導體IGBT模塊正式投產,又有計劃回A上市,料集資210億元以支持新能源車的發展。今日升幅完全反映呢啲消息未?仲有冇空間再上?
艾德證券期貨聯席董事陳政深話,210億元集資額對發展新能源車而言,唔係一個進取數字。佢又話東風喺新能源車方面毫無優勢,2012開始推新能源車,但至今品牌仍未取得市佔率,又未有自家電池等技術,同業比亞迪(01211)、吉利汽車(00175)及長城汽車(02333)又已經跑出。Ryan對東風前景有所保留,唔建議投資者吸納。