【專家分析】海吉亞股價有排升?
【Now財經台】海吉亞醫療(06078)今日中午出咗業績,雖然毛利率微跌,但全年多賺逾1.5倍,收入亦增長65%,不派末期息。海吉亞出業績前,股價大幅抽高,係咪巿場預咗呢份業績有驚喜?雖然公司多賺倍幾,但唔派末期息似乎有啲孤寒。
華盛証券分析師聶振邦指,海吉亞今次份業績的確有驚喜,海吉亞股價表現同業務關連性好大,由於集團旗下門診服務,因為疫情關係收入大增,佢預期,海吉亞股價下半年會持續強勢。聶Sir又話,雖然海吉亞今次冇派息,但有做股份回購,相信係為未來做好準備,預留資金拓展業務。