【專家分析】港交所呢浸升浪短癮?
【Now財經台】港交所(00388)連升第2個交易日,市場憧憬陸續有喺美國掛牌中概股「棄美來港」,帶挈港交所股價升穿450元水平,上返平台區,股價仲可以走得幾遠?
uSmart盈立證券研究部總監陳偉聰指,中概股喺美國退市,再嚟香港上市其實都唔係新消息,今年都有部分中概股回流,但呢啲股份喺香港上市後,股價表現都唔係太理想,依家市場氣氛咁差,即使返嚟香港上市,都未必錄得足額認購,因此,可能令中概股遲啲先回流,等明年市況穩定啲、科技股升返啲,先再排隊回流,加上大型中概股如嗶哩嗶哩(09626)、百度集團(09888),其實都已經回流香港,未回流都係中小型中概股,所以中概股回流潮對於港交所業績幫助唔大。
Jason又話,喺市況差、成交可能再縮嘅情況下,港交所好難獨善其身,呢浸炒上去相信只係短線操作。