【專家分析】港股今輪反彈到水尾?
【Now財經台】據《華爾街日報》引述消息指,中紀委開file調查25間金融機構,包括國有銀行、監管機構,調查佢哋同私人企業關係係咪「行得太埋」,正當港股3大指數逼近50天線之際,再傳出呢啲消息,對港股今輪反彈有幾大影響?
潤淼資產管理董事盧志威認為,投資者應該先停一停,港股近日反彈主要靠科技股、油股等,但長期嚟講,始終仲有幾個大問題解決唔到,例如美團(03690)罰款比預期少,理論上係好事,但問題在於監管風暴似乎仲未消退,亦冇迹象顯示監管會鬆綁,港股經歷一輪反彈後,追入空間已經唔係太大。