香港股市 已收市

【專家分析】港股「五窮月」打定輸數?

【Now財經台】美股4月表現強勢,三大指數先後創新高,抗疫方面亦傳來令人鼓舞嘅消息,最新7天平均新增確診數字,回落到舊年10月中以來最低,美股係咪可以破「五窮咒」,繼續跑贏?

星展銀行(香港)豐盛私人客戶執行董事鄧威信指,睇返美股三大指數,過去十年嘅5月份表現,其實係升多跌少。不過,「五窮咒」喺港股身上就幾靈驗,但如果再睇返長啲嘅數據,5月升跌比例其實差唔多,北水要到星期四先返嚟,加上印度疫情仍然失控,確診數字日日創新高,一定影響整體投資氣氛,相信個市都會靜啲。