【專家分析】港股「四月效應」有機應驗
【Now財經台】上星期五港股收市冇耐,有外媒報道,指中國喺美國上市中概股嘅審計問題上讓步,准美國監管機機查閱相關企業審計底稿,中概股指數、恒生指數齊齊收復返上月初,即美國證交會(SEC)公布將5隻股份納入退市風險名單以來失地,中概股指數上周五一度大升8%,收市升幅收窄。中概股退市風暴有機會減退,對港股有幾大幫助?
星展銀行香港及中國內地股票策略師林子津指,俄鳥戰事前景仍未明朗,加上通脹及加息壓力,都會為港股帶嚟不明朗因素,但睇返過去20年嘅4月份,恒指平均升3.5%,喺「四月效應」下,再加上中國出招推動經濟,港股今個月仍有機會錄得升幅。