【專家分析】港股「黑天鵝」下季再突襲?
【Now財經台】今日係港股第1季最後一個交易日,睇返恒指今季走勢,由25000點樓上,跌到3月中低位18235點,主要受科網監管、俄烏戰事、中概股除牌風暴夾擊,今季高低波幅高逾6800點,係史上第6大季度點數波幅,雖然波幅比前年Q1疫情恐慌、金融海嘯期間細,但回落速度比爆疫時更快,咁誇張嘅波幅下季會唔會再見到?
東亞銀行財富管理部首席投資策略師李振豪指,上述提及嘅事件,都係投資市場無法預期嘅「黑天鵝」事件,所以股市表現差亦好正常,但佢估計,除非未來仲有好多「黑天鵝」事件,否則恒指唔會再跌得咁誇張。
Frank又指,恒指由舊年3月行業整改開始形成下降軌到依家,由約33000點逐格跌,一跌就2000點起跳,因此,現階段喺20000點至23000點上落係好正常,但後市要等到有重大利好消息先可以突破下降軌。