【專家分析】疫苗股死唔去?
【Now財經台】據《彭博》引述花旗分析員指,藥明生物(02269)今日開咗電話會議,重申今、明兩年合共50億元嘅新冠定單,唔會因輝瑞口服藥有進展而受到影響,藥明生物股價今日大舉反撲,到底疫苗股有冇前景?
股評人李偉傑指,藥明生物試過開完電話會議,股價就插穿250天線,雖然集團將全年增長目標由65%上調到75%,但以增速計,下半年收益唔及上半年,藥明生物曾經係高增長股,失守技術關鍵位會觸發大調整。
Jason估計,疫苗股短期會繼續畀新冠口服藥嘅消息困擾,但始終疫苗訂咗就係訂咗,除非撻訂,否則收益都係穩陣,佢又預期,當口服藥研發消息呢輪震盪完結後,疫苗股會慢慢升返上去。