【專家分析】碧服盤數有伏?
【Now財經台】藍籌碧桂園服務(06098)中午出咗業績,半年多賺近61%,收入就增長逾84%,表現仲好過盈喜嘅預測,雖然盤數咁靚仔,但點解股價放榜後冇乜反應?
英皇證券研究部總監陳錦興指,市場對於物管股錄得高增長已有晒心理準備,所以即使碧服業績好過預期,對股價刺激作用唔大,反而要留意集團毛利率跌得比較多,主要受低毛利率業務比重上升,同埋取消咗疫情社保減免政策拖累,投資者、分析員都關注呢個問題,未來要睇下碧服管理層點解畫。
Stanley又話,雖然投資者仍然對碧服未來幾年增長有信心,但已經唔可能好似年初時對物管股睇得咁樂觀。