【專家分析】科網巨無霸炒晒上去原來博...
【Now財經台】港股橫行咗4日,今日突然發威,恒指午後升幅擴大至超過800點,下晝開市冇耐大市成交已突破1000億元,價量齊升。納指噚晚大跌166點或逾1.1%,如果以舊年11月嘅紀錄高位計,已經回落咗超過10%,陷入技術性調整,市場原本擔心ATM等重磅科網股會受拖累,點知今日唔跌之餘,仲愈升愈有,點解今日啲錢不斷湧向大型科網股?
耀才證券研究部總監植耀輝指,美國科技股走勢係差,因為舊年升咗唔少,加上美股依家擔心息口走勢,所以科技股有啲震盪係合理。雖然港股嘅ATM舊年表現麻麻,但今年就唔同晒,今日仲升晒上去,不過,其實今日冇乜實際利好消息,近日只係傳出內房政策有機會「鬆綁」,唔排除市場憧憬內地科企監管都有機會「鬆綁」,所以炒晒上去。