【專家分析】美債息上到1.6厘止步?
【Now財經台】美國經濟數據參差,美股3大指數噚晚個別發展,其中以納指表現最好,埋單升近1%。股份方面,個別科網股如微軟,喺下星期出業績前偷步破頂,而反映美國10大上市科網股表現嘅NYFANG指數,同高位只相距不足1%,睇嚟即使美國10年期債息上返1.6厘水平,都唔使擔心美股後市表現?
潤淼資產管理董事盧志威認為,即使美國加息,短期内都影響唔到公司業績,隨著科網股集體反彈,同埋快將陸續派成績表,加上商品價格已冇咗連升氣勢,其中石油、銅價亦冇早兩個星期升得咁勁,估計通脹預期短期會顯著降溫,所以美國10年期債息再升空間唔大。