【專家分析】美股繼續開Party?
【Now財經台】美股踏入11月持續強勢,噚晚3大指數齊創收市新高,道指更一度歷史性衝破36000點,而NYFANG指數亦破頂,其中Tesla升逾8%,收報1208美元,大摩上星期先上調目標價至1200美元,已經秒速到價。美國CNN一個量度市場情緒嘅「貪婪與恐懼指數」顯示,市場由1個月前嘅恐慌,變成依家嘅極度貪婪,亦係今年以嚟最貪婪。聯儲局議息前夕,市場情緒係咪處於亢奮狀態 ?
潤淼資產管理董事盧志威指,市場依家瀰漫一股貪婪氣氛,但資金較集中買部分領先股,所以NYFANG指數都唔係隻隻創新高,而係集中喺Tesla、Google等大型股。佢又話,Tesla自從接咗Hertz嘅超級定單後,股票就開始爆升,暫時已累升咗20%,代表買盤好充足,估計短期內個別股份可能會繼續有炒作。