【專家分析】聯儲局政策立場睇佢頭?
【Now財經台】美國上月新增非農職位只得23.5萬份,遠低於市場預期,亦係7個月以嚟最少,令聯儲局今個月開始「收水」嘅預期降溫,消息一出,美匯指數隨即受壓,一度跌穿92,但金價、美國10年期債息齊齊抽升,金價更衝上兩個半月高位。
星展銀行香港及中國內地股票策略師林子津指,市場之前預期聯儲局做法偏鷹,加息、買債都會比較進取,但睇返主席鮑威爾近排嘅講話,同埋經濟、就業數據,已經預示「放鷹」機會細咗。
Dennis又話,因為就業情況係主導整個政策大方向嘅大前提,所以聯儲局政策立場走向主要都係睇佢頭,故唔需要過分解讀金價、美匯指數單日走勢,即使近期經濟反彈出現阻滯,但都唔會對「收水」嘅大方向、進度有大影響。