【專家分析】聯儲局「收水」大龍鳯起碼搞半年?
【Now財經台】雖然美國通脹壓力升溫,但市場反應出奇咁冷靜,據CNBC嘅分析,主要係聯儲局汲取咗2013年嘅教訓,喺討論「收水」問題上故意歎慢板。龜速「收水」係咪對股市最有利?
潤淼資產管理董事盧志威指,現時美國嘅通脹走勢仍然可控,其實「收水」都係大勢所趨,睇返疫情期間,買債規模其實係多咗1倍,Cut一半都只係重返疫情前水平,係正常化其中一個過程,基本上係一定要做,問題係用幾長時間去做,佢估計,由討論到「收水」都要半年時間,所以呢段時間都會利好美股。