【專家分析】舊經濟股逆市仲有得升?
【Now財經台】美股捱過半世紀以來表現最差的上半年後,主要指數強勢股唔多,少數造好的有個別老牌股份,可口可樂升今年以來升8%,連升第三季,強生同新高相差不足4%,IBM今年股價有起色升約5%,呢啲穩陣型股份係咪可以繼續跑贏大市?
星展銀行(香港)豐盛私人客戶執行董事鄧威信指,相信呢類股份係會繼續跑贏,通常呢啲股份嘅估值比起科技股係冇咁高,所以佢地受息口嘅影響會較細。同埋呢啲舊經濟股份係全球性,佢地嘅收入比較分散,所以單一地區經濟表現受到嘅影響會小啲。另外,强勁嘅品牌效應係會阻隔咗替代品出現。
Wilson又話,喺市場比較動盪、仲估緊未來加息走勢嘅時候,資金會流入翻去呢啲傳統股份。