【專家分析】買定Netflix等爆上

【Now財經台】Netflix喺噚晚美股收市後出季績，股價喺出季績前已經造好，第2季流失97萬付費用戶，但遠勝市場預期，每股盈利亦好過預期，加上估計今季訂戶人數會回復增長，所以盤後再升多浸，市銷率(PS)只得2.5倍，係近10年最低，股價自52周高位回落咗70%，跑輸晒美國大型科網股，呢份業績真係有咁大驚喜？股價可以彈到幾高？

艾德證券期貨投資策略總監文錦輝話，Netflix之前兩次出完業績都跳懸崖式下跌，睇返噚晚嘅走勢，美股今晚一定抽上去，有機會抽高40美元至50美元，要博就喺場外交易時段，趁佢唔係升得好多，美股今晚開市抽上去就比返佢。

Felix又話，Netflix每次出業績都好驚嚇，好多投機買賣都集中喺場外交易時段，或開市頭半個鐘，一見勢色唔對就要走，佢估計，Netflix今晚會有機會升70美元至80美元。