【專家分析】資金亂炒美網紅股變妖股?
【Now財經台】Tesla之前因為攞到Hertz嘅超級定單,帶挈股價爆升,但噚晚馬斯克突然話仲未簽約,但Hertz就話對方已經開始供貨,呢單羅生門拖低咗Tesla股價,不過,另一間租車公司,已變身網紅股嘅AVIS就趁機炒上,一度炒高2倍,收市仍升超過1倍。
艾德證券期貨投資策略總監文錦輝指,噚晚AVIS出現咁多次熔斷,一生只會出現一次,一隻大價股竟然好似一隻妖股咁,明顯係啲資金、網紅亂咁炒。至於Tesla,Felix就話,依家環球有好多基金不斷追入龍頭電動車股,或者對碳中和、減排有指導作用嘅股份,因為要出一啲相關指數,少不免要擺Tesla落去啲ETF,令到股價一直向上。
Felix又指,依家直接買Tesla股票嘅人唔多,但相關ETF就好多人買,所以唔使太擔心,有資金不斷湧入撐住股價。