【專家分析】通脹失控焗聯儲局大手加息?
【Now財經台】美國1月CPI按月升7.5%,高過預期,創40年新高,加上聯儲局理事布拉德話支持3月加息0.5厘,消息一出,債息持續扯高,美股就一路轉弱,3大指數收市全線向下,到底3月加息0.5厘機會有幾大?
華盛証券分析師聶振邦指,聯儲局下月加息0.5厘嘅機會相當高,參考12月嘅通脹數據,市場原本預期上個月嘅通脹見7.3%,但最終升幅仲高預期,一定會造成一定程度嘅恐慌,喺通脹不斷升溫及加息陰霾下,科技股沽壓沉重,繼而拖冧美股。聶Sir又話,今年加4次息嘅機會相當高,投資者要重點留意聯儲局主席鮑威爾嘅言論,反而其他行長嘅言論,參考價值未必咁高。