【專家分析】預算案加碼派消費券庫房冇壓力?
【Now財經台】財政預算案公布前,唔少會計師行都估計,今個財政年度嘅赤字會比政府估算少,甚至有盈餘,結果錄得189億元盈餘,展望來年又會唔會「見紅」?財爺再派消費券,仲加碼1倍至10000元,會唔會對庫房造成好大壓力?
畢馬威中國稅務合夥人何家輝指,政府今個財年會錄得189億元盈餘,其中有30%除咗來自賣地及印花稅,亦包括補地價,呢方面係較難預計,雖然財爺預期嚟緊呢一年有500幾億赤字,但佢亦下調咗賣地收入預測,但如果傳聞中嗰5幅啟德地皮最終真係推出,已經涉及約1100億元,而呢啲都係保守估計,只要市道好轉,下年仍有望扭虧為盈。
至於加碼派消費券會唔會為庫房帶來壓力,何家輝認為壓力唔大,原因係...