【專家分析】騰訊彈到呢個位可撈貨長揸
【Now財經台】北水噚日又掟騰訊控股(00700),似乎仲未消化到監管消息。不過,「股王」今朝高開逾1%後,升幅一度擴大至逾3%,高見453.6元。
雖然「股王」係監管風暴下嘅「風眼股」,但高盛仍然力撐,將騰訊加入「確信買入」名單,主要係集團已調整業務應對監管,雖然目標價由906元劈到759元,但同現價比較,仲有逾70%上升空間。
華盛証券分析師聶振邦就話,只要騰訊喺未來兩三個交易日,企穩440至445元樓上兼可以高收,可以考慮吸納做中長線投資。
騰訊8月18日就會出第2季業績,高盛話,騰訊股價今年已經累跌22%,如果以高位計,更回落咗43%,依家預測PE跌到21倍,風險回報吸引。