【專家分析】點解美股唔驚Delta?
【Now財經台】美股3大指數上星期埋單都有得升,不過,上周五出嘅8月美國消費信心跌至近10年新低,反映Delta變種病毒對美國經濟嘅殺傷力憂慮升溫,不過,美股反應就唔一樣,即使有分析話,無可能達至群體免疫,股市都「疫」市照升,點解會出現呢個現象?
星展銀行香港及中國內地股票策略師林子津指,其實Delta病毒都講咗一段時間,對投資者嚟講已經唔係新消息,所以唔會再產生好大反應,即使疫情緩和,外界都會覺得疫情無咁快完,做投資決定時都會考慮埋呢個因素,因此,當傳出Delta病毒嘅消息,都唔會對股市有明顯影響。