【專家分析】FAANG今季呢兩隻會跑出
【Now財經台】美國科技龍頭FAANG出咗季績後,其中2隻股價破頂,Amazon可唔可以創新高要睇今晚,但Apple及Netflix似乎就冇力突破。業績期過後,呢啲巨無霸股價會點走?
華盛証券證券分析師聶振邦認為,近期Apple股價有下滑嘅情況,主要係晶片荒令集團第2季表現有不明朗因素,導致股價回調。至於Facebook及Amazon,暫時睇嚟第2季升勢唔錯,可以睇高一線。
雖然有科技股破頂,但納指噚晚升得唔算靚,聶Sir話,投資者入市審慎咗,加上美國總統拜登刺激經濟措施持續,資金有機會由科技股流去傳統經濟股,都限制咗科技股嘅升勢。